周圍都係大6人 發生完D咁既事其實有一下真係好想暴衝
親友提我唔好搞事 OK 睇佢地表現都唔似黎齋打卡 咁就算啦
但入場大部分見到既都唔係香港人 都真係幾憂傷
以前睇演唱會 前後左右都係香港人 雖然未必會傾計 但有時台上出錯 會好mean咁一齊偷笑
又或者係應援時 我仲記得個年唱笑忘歌
係可以用廣東話同隔離個女仔講 要唔要拖手一齊唱
但依家前後左右可能十個得返兩三個係香港人
尤其是中間位就更加會係咁……
真係物是人非 演唱會無左紅館之後真係變左好多

笑左 特高0504每半個鐘update一次 到底有幾擔心我地會出左門口ww

被包圍既一晚 當然要努力撐場
因為佢地多數都要有人cue先識叫 即係intro第一個小節完左明知係咩歌都唔識叫 係要歌名出左先有反應 成晚都係咁(攤手
又或者會有d好奇怪既反應
瑪莎中間有講廣東話 係乜野啊 乜野啊之類咁 香港人會識笑
但隔離識講廣東話既大6人係零反應 零！反！應！(Oh my...)
唱洋蔥咁感性既歌中間講野 但又會叫人地脫掉(禮貌微笑)
又或者無反應
笑忘歌中間講到咁感動 前後左右個d人完全係碌木咁 又唔識叫又唔識笑
唔係講比你地聽 都唔係你地有既回憶 但都可以郁下唔使齋hold住部機既

成晚有少少嗌過頭 好耐無試過咁嗌法
只要唔咳應該一切都很好哈哈哈

每日吹捧獸哥一次 獸哥落機出場時真係好靚仔啊啊啊啊啊啊啊獸哥（強行turn off迷妹狀態

啊唔記得左係唔係呢一日 佢地又係度笑時光機係影片之後
主唱叫我地舉起手中既時光機 操控時光機
ummmmmm....好喔
你們家有沒有一個小一點的時光機讓我舉
我怕我雙手也舉不起你們家的時光機耶
要知道你們時光機有那～麼大我怕我被壓扁

第一段VCR 見到主唱個段抽起左就知energy要出黎喇
親友仲特登早一晚提我要睇定星期五晚上ww
達哥真係好靚仔有型啊 仲同佢老婆好似樣哈哈哈哈哈
經歷左呢一晚 我就識唱星期五晚上喇
但隔離個啲都幾有趣 energy出黎全程無反應
連叔叔已經企左係energy後面都無反應🤦🏻‍♀️佢地係真係睇唔到架喎
見佢地fing手fing腳就知佢地準備好跳舞喇！
為左令大家有反應 叔叔都真係好努力 我都有努力叫啊啊啊啊啊啊啊啊
雖然節奏組都係度偷懶哈哈哈哈哈哈

獸哥都跳得好認真 睇佢地跳舞真係好有趣味性
跳完就回下氣兩團傾下計
講真心話 主唱就話要讓位比佢地4個企返埋一齊
都係同舊年高雄諾亞講既野差唔多 都係多謝叔叔
主唱話等緊爆點 唔記得佢問書偉定阿弟喊未🌝
獸：拿眼藥手 稍等！
莎：後面灌一拳就好了
然後佢地兩個仲有再講 但就聽唔到lu

傳說中既E16蹲
前一晚睇MV睇到都嚇親 40歲叔叔咁樣對膝頭哥唔好喎
石頭係唯一做到既
獸哥都有認真做 但比人影響決定棄賽
主唱都有做下樣 好過無做
鼓手踎低起身兩下 搖手表示拒絕再做
瑪莎純粹踎左踎 起身再重覆 影響埋獸哥🤣
喂啊你地啲體能到底點操返黎架

講起51呢場 主唱又道歉不如你地考慮改名叫滅火器
主唱係咁摸我地頭順我地毛 讚HKer會同睇唔到51既人換飛
唉 知道喇 肯定又係睇到好多HKer既真心話爆發 所以又出黎救火安撫我地
信：好了廢話不多說
莎：剛剛的都不是廢話！！！
獸：之後講的(介紹時光機)才是廢話！
信：(手拿時光棒指獸)你現在才是廢話！
講到開個演唱會花了好多錢 希望大家把HKD拿在手上ww
獸：做個小的時光機 每人投十塊 一次十分鐘(好啊我願意ww
佑：所以時光機英文是ATM
哈哈哈哈哈哈哈哈哈哈哈哈哈哈 點樣 全寫係唔係auto time machine 乜鬼野丫啊啊哈哈哈哈哈哈哈哈

獸莎真係好鍾意做拆台角色
主唱話時光機stand by中 待機中 之後時光機開機
莎：所以剛那影片是時光機開機？
信：呃對(顯然口快快無諗清楚就答左
？：那不是影片！
信：那不是影片！什麼影片那是時光機！
莎：(指信)你還說對！

嘖 專輯組曲真係好想拒聽時光機+讓我照顧你個一段
由台中到高雄再返返黎香港 越聽越想拒絕
但我偶像be like捉實我個頭強逼我聽咁
成段直至到讓我照顧你主歌A 獸都會企係舞台中間
讓我照顧你個開頭 主唱會一路唱一路行埋獸度
呢一晚佢企左係獸後面貼背 但獸唔知
一轉身想返埋去結果發現比主唱擋住左 兩個望左眼然後笑左
作為一個非常清醒既CP粉
我都唔知我到底應該笑定係應該喊

點歌 第一首開天窗
已經唔記得左係點揀出黎
但佢地一開始見到開天窗是想要拒絕既
仲話已經物理性地開天窗還要再唱嗎www
但開埋下一首 佢地就徹底投降 OK啦OK啦開天窗啦
主唱好似又有少少唱得同原曲唔係好一樣 有係同一個和弦既 但唔係個粒音囉

然後點左個我們同能不能不要說
對個首我們無咩印象 就係 哦～好丫又係佢地點到佢地厲害丫
然後點到能不能不要說 前面D繁文縟節都係無咩印象 有就後補啦
淨係記得有人問火箭發射轟隆隆隆係咩意思
信：你今晚回去試試
石：他那是飛機
我： 這位把拔……
石：不能發射
我：是熟悉既黃啊ww

下一首 妖 又係點你是唯一
其實根據叔叔們既定義 冠佑加入之前只有demo既歌唔唱
個d咩八月愛人 虛弱 金色大街 咁多年黎都屢試屢敗
機率偏細 除非逼到佢地走投無路
係我心目中既定義 係連任何一個團員出既單曲都唔算
咩happy birthday 咿呀呀都唔應該係點歌出現 除非佢地自己要唱
呢幾年我再嚴謹d 所有詞曲都必須要係成員作品 我先會想要點
早年有寫過日文歌 但後尾全部都foul哂
所以呢首你是唯一無論任何方面任何角度係我心目中都係fail既一首點歌
真係唔想再見到呢首歌出現(禮貌微笑)
但主唱見到個幾個風車好似好開心咁 仲全部要哂上台 玩得最開心既應該係冠佑 跑住黎轉個風車 好可愛 但一聽到最後都係唱你是唯一 即刻係心入面diu左出聲

獸有試圖想拎住個風車 但佢要彈結他
試圖插起佢但唔成功 佢同石頭好似有又唔知點搞 想唔知插邊度咁
最後係鼓手幫獸拎住
莎全程用個風車擋住自己塊面 主唱用力唱 鏡頭take到莎就係個個傻笑樣
妖 又被佢地氹返開心
佢地玩到都唔捨得擺低咁 到底幾多歲啊

今次係香港 讓我照顧你同轉眼都無辦法再令我爆喊
主要係周圍干擾無敵爆多
但52成朝都苦瓜乾咁 可能有嚇親同事哈哈哈哈哈哈
但去到53全晚都無野架
但主唱一講野就搞唔掂
以往都係 一覺得自己唔會喊讚自己今日好冷靜既時候
佢一講野就搞唔掂
佢可唔可以唔好成日講野😭

430 IG LIVE大家都好在意點解明明係香港場腰斬
但全個live都係北京同泉州
我聽得極唔專心 都一路聽到呢兩個地方名出現
其實明白佢地有擔心 主唱又通常都會做呢啲野(無情宣傳機器
但女人就係咁 你個人係度 就要證明埋你個心都係度
所以又難怪佢要講呢番說話黎摸下頭
but
佢真係好過份 直接叫第二個家 講好多我地先會知既野
掉低碟蛋撻就會轉身走既侍應
紅館職員聽到PTSD會la到12點既憨人 佢永遠都會講錯既維多利亞“灣”(唔知14定16JRI佢又係咁講 全場人就係咁“港”！ 個種確實回到那一天但又明知無可能回到那一天既感覺 仲有個種原來佢都知道 佢都記得既感觸

好想為呢個地方做啲野 但根本咩都做唔到既無力
每日望住核心內圍全部都係外地人
明知呢set野係用黎講再見 但真係⋯⋯
我覺得 其實我地都唔需要講個句愛定唔愛
如果你愛過我 你不會就這樣走
所以佢地將5525帶過黎 願意賠機酒
佢地帶走既野 肯定唔止唱酬
仲有好多好多⋯⋯

家綺ฅ՞••՞ฅ (@chiiiii.523) on Threads

莎真的笑死人
獸獸仲盅左佢一錘ww

Encore 夜訪
得喇得喇知你唱得喇
唔好咁樣啦其他人會妒忌3號觀眾架ww

洋蔥 只要你能聽到我看到我的全心全意
開頭就係啊 久違洋蔥 Hi～
但後來就嗚嘩係洋蔥啊OAQ
其實 都唔需要你地解釋啲咩喇 在心中啦
謠言也好 惡言也好
總會止於智者雯雯追星日常 (@we_love_mayday) on Threads