RG兩日收咗唔少大家嘅集遊用卡片，認真講大家咁多年俾過我嘅卡片/聖誕咭之類全部都有keep起到，唔想兩手空空咁收大家嘅集郵就決定自己買咗部機返嚟印

都收咗唔少零食，全部攞晒返公司（工作嘅時候特別想食零食

Day 2 Mary
最初係keroro地球人，但係湯宗冬樹可能會插穿天花板，之後又諗過556+菈比+摩亞/媽媽大人，到最後得返半個月都未決定到，但係可能整唔切，各方面嚟講嘅趕唔切，就開咗個投票多數服從少數（雖然得三個人
最後就係死筆同ib到揀，死筆認真講兩日都買咗VIP嘅話，我真係怕喺會場俾人踩爆自己腳趾，彌海砂.........出唔到+出唔起
咁啱大家又決定唔到出邊套好，就決定當我強制佢哋個坑

然後好似唔少人以為我出過Mary（論我金髪角多到咩景界，但係其實無論係Mary定係小圓嘅巴麻美學姐我都冇出過
另外Ib同Garry嘅花係實色嘅，但係咁啱冇黃色，所以我手上嗰支係自己油出嚟，算唔算係另類嘅還原（原本係打算用噴漆 但係唔知係唔係放太耐 全新未開過都係唔到 到最後都係塑膠彩算了

2012年到依家嘅RPG恐怖大師，當初係睇仲未係餐哥嘅魯蛋玩，之後自己再download落嚟玩，雖然冇俾Mary出框嚇到，但係算係俾佢震驚到，特別攞住畫刀出嚟嗰下，同埋入面嘅美術作品咁多年之後喺steam到喺餐哥實況到睇返ptsd都出返哂嚟（VA生，不作品內容都符合啲遊戲劇情同環境，之後睇下有冇辦法可以還原幾張畫出嚟私影

Day 3

終於記得打，day3開始算係派唔少相出去嘅日子（？
Alice: Madness Returns認真講唔會有咩人識嘅作品，一代American McGee's Alice講緊係2000/10，瘋狂回歸差唔多2010情嘅事

化妝真心嚟講真係多災多難，第一次覺得自己唔識化眼妝，越化越唔知自己做緊啲咩，到最後唔係淺到深，直接從深到淺咁化返出去，雖然唔壘色唔係滿意，但係睇返相都叫睇得出
下眼角位有啲可惜有喺整完眼睫毛之後再打多少少眼影，上眼睫毛就....一如繼往，整完之後都係下垂咗，呢個真係，十次可能得6次唔會喺眼睫毛到炒車

把刀，係我以前訂返嚟鋼刀（未開刃，原本啲角位同刀刃再尖啲薄啲，一決定Day3出呢套就攞把刀出嚟磨鈍啲，真係怕唔小心整到人，鋼刀影出嚟就係讚，質感好到爆
套衫......當初係雪鈴放俾我，應該放咗起碼3年都有，可見我手臂粗咗幾多，走嘅時候唔係揾咗怡幫手我可能除唔到套衫（出汗多+手袖口太細，之後再出就要改一改個袖口位

然後其實我有買血漿，仲買唔平嘅，衫用同皮膚用各一支，都係怕坐車嚇到人，加怕入袋同行場會整到其他人啲衫，到最後放棄咗，又係留返之後出去私影用

就係咁，九展嘅話我計RG差唔多係11定12開始去，當年仲有CWTHK同喺九展搞嘅Miku Only定唔知V家Only，揾得返嘅相唔多，始終當年仲箍緊牙，個樣唔會好睇得去邊，二嚟基本上唔識人，所以都係行場多，睇返自己算係差唔多每一年都入下場

2013/03/31
2013/12/22

gumi 山茶花應該係RG11，雪miku 2013好似就係RG12，最搞笑兩套好似都仲喺到，係gumi個wig好似俾我攞咗去出其他gumi而剪咗，但係好似都仲喺到wwwwwwww

望一望都咁多年了，當年真係成日都坐喺7-8樓嗰到休息，唔少相喺藍色地板嗰到影過，當初係美圖秀秀又執得耐，依家已經變成10分鐘執完一張嘅PS人

從中二/中三跟住師姐同學出，出到依家出咗社會做嘢都仲出緊