真是講到我的心坎裡

場後通販將於本週末公佈詳情。
(仲係好攰咩都唔想做)

【真悶熱。多謝咗先】
唔知做咩幸運值拉滿，多謝RG同原創街的主辦，今次有邊攤太好，仲召喚到精靈王姬蓮carry，完全入咗carefree mode，上咗年紀體虛力衰乜都唔記得，收錢mark數都冇以前咁醒目，最後乜都是旦啦推晒啲責任畀你，所以多謝你呀…精靈王🙏(btw你幾時出原創本/幾時更文？(仆街仔又追稿))

另外，本來係同大福連攤，但中間多咗一條放到一檯麻雀嘅gap位，本身都諗緊咁遠點搞，結果發現條gap係主辦留畀思樂冰谷嘅同學們(亂講)。雖然要睇檔唔係好分到心，但聽到你哋喺大福嗰邊玩得咁開心都feel到嗰份開心嘅，下次食飯丫🥹

最後多謝每一位，無論是打招呼傾閒偈還是課金支持嘅新知舊雨，多謝你哋。今場又熱又焗，大家都辛苦晒。

【又有新蟹成永恆】
唔知邊條19話「RG31我應該冇乜野做」，結果根本離唔開個檔。
唉，以前擺檔真係得閒到R腳趾先冇再參，點知十二吉、逆裁呢啲Hea咗喺度咁多年嘅蟹貨一次過清晒，仲要連見本都賣埋。多謝大家慷慨解囊，領養蟹仔。

原創方面，趁九展收皮前畀串串貢面世，三成預購、完場賣淨幾本。本身打定輸數蟹就蟹唔L理，結果出乎意料…兩喼去，半喼返，果然冇期望就冇失望，完場一身輕。至於咩因由賣得多過二創，我到現在都未能夠下定論……到底係因為喺penana連載咗兩年？喺IG見到廣告？九展RG臨別秋波？或是以前看我畫二創的人鐘意睇我玩命？定你真係覺得好睇…？
希望你哋話返畀我知點解會買串串貢，閱後感都歡迎。(想再多謝多次畀千字文嘅同學仔，仲要完場當晚收到，太感動…)

另一本半新不舊的本子—悶熱的青春與永恆的蟹貨，因為五月已在hkics首賣，甚至活動前我完全忘記咗呢本同人生涯點題作，結果買嘅人都唔少，我懷疑係原創街加乘嘅效果😂(\多謝主辦/)有人話本野講得唔夠兇狠問我係咪留咗手，的確我已經潤飾過，因為我知道只有領教過嗰種畫完冇人睇嘅辛酸嘅人先會明，有啲狠話已經同自己講唔少，咁好彩劫後餘生的話，就留一抹溫柔畀每位努力過嘅人同過去嘅自己啦。反正飲完啖雞湯，轉個頭又見我催稿，嘿。

至於傻仔嚇餐懵係靈感到，首刷之前賣晒，於是重畫當年覺得唔夠清晰嘅結尾嗰10頁，印咗廿本留念，完場都係餘數本，多謝G持。我曾經講過畫完吉爾酒店就收山，但因為過咗咁多年，連主旨都改過幾次，一直覺得畫漫畫同自己嘅人生階段有關，唔同階段有唔同心態，未諗到即是時候未到。

最後真係蟹到呢個moment都無人認領嘅本就唔再擺了。
因為搞原創都搞晒啲時間去，之前應承落嗰啲二創我會盡量搞埋，但新坑就唔開啦，同九展一齊拜拜啦。
下次線下再見就係原創展。就咁！

(繼續發出爽朗的笑聲)