請允許懶人從ig複製貼上廣東話感想

終於到左最後一場九展同人展！
首先講番當日，今次自攤主要係風花、GX、UL同少量軌跡。
想話UL雖然成為大多數人嘅文藝復興對象，但因為自己尼十多年黎仲好熱愛，今次見到同樣廚嘅同好特別開心 軌跡同好唔多但黎到攤上都會同我一齊話下Falcom(x) 另外好多謝大家讚風花明信片，有尼啲小小共鳴都係再參下次同人展嘅動力！

最後一屆想好好行場，好彩有神隊友泉子同小天使妹豬jie寶各種幫忙，無諗到速行三個館都行左兩個鐘orz 不過衝去3樓時好好彩見到超正嘅YGO cos團即刻化身突然興奮的患者.jpg 最後可以見到咁多懷舊作品感覺人都青春啲

從只有cw到出現rg到自己開始擺攤，再到某年開始只參RG到RG喺九展搞最後一屆，RG同九展喺我同人生涯佔好大比重。加上出社會後一直喺九展附近番工，試過無數次RG當日番公司印無料（笑），無論番工定參展都行同一條路實在無咩實感要同九展RG講再見。雖然自己成日追唔上潮流得老作品，但好感激RG俾到一個平台我同我嘅同好大海撈針。RG無令尼啲作品被淹沒係我喜歡佢嘅地方，默默為每位小眾作品同人創作者加油！

因為自己又冷又懶每次參展都好慚愧 今次見大家出番初心作都令我靈魂審問自己到底想喺同人上獲得啲咩。雖然唔知下場RG係幾時，但希望自己下次可以更隨心同用心創作，期待下次香港同人活動再見！

=======================
如果有通販上的問題也歡迎在這個噗裡問我