【廢】廣東話注意

話說星期五晚食咗個炸雞、飲咗杯天仁新出嘅番石榴奶綠，我就斷斷續續由夜晚十點嘔到第朝七點。

當中聽老母講食保濟丸（仲要食咗三次），而佢係我嘔到傻仔嘅元兇之二。果朝六點頂唔順叫醒屋企人話我想入急症，然後屋企人繼續話嘔完就無事，到第朝九點我有啲燒仲食到粒panadol無嘔果吓勁。

個個朋友都勸我快啲睇醫生打止嘔針，我見有力落到床就叫老母陪我去睇，跟住佢話我咁小事唔洗睇醫生，做咩一定要睇醫生。最後我堅持去睇，佢都有陪我，然後我落到樓下企唔穩兩眼一黑瘋狂出冷汗。

最後人生第一次坐白車成就達成