宿舍生活充滿了樂趣，和室友一起相處的時間非常珍貴汪 (´∇`)

屋企野
比我抱怨下

我呀麻最近好健忘
成日唔記得做過咩啲野擺邊食左樂未

呢幾個禮拜
每逢星期六睇完中醫番黎就話唔見錢
搵唔到就發脾氣
瞓唔好又爬起身搵
搵唔到又發脾氣
晚晚都係到揼腳
明明佢隻腳之前發炎腫曬未好曬
會因為腳痛瞓唔好
但發脾氣就唔覺得痛

今個禮拜隻腳瘀曬
腳踭瘀上膝頭
琴日好左好多
今日去左睇中醫
以為終於冇乜野啦

然後又搵唔到錢了
發脾氣了

上個禮拜佢唔見錢發脾氣
我老豆已經靚雞雞攝錢落去扮搵到
以為已經解決到

認真講我老豆呢兩年我相處嘅時間都覺得佢脾氣好左
以前佢一個月最少罵我兩三次
加埋佢做手術醫生叫佢唔好燥
雖然佢講野仲好摟打

聽我麻麻發脾氣接近兩個月脾氣(腳痛+其他)
老豆今日終於忍唔住發番佢脾氣

然後我又係比人夾中間個個
因為呀嫲唔見錢永遠都覺得係我呀媽偷佢
我老豆想收番比佢啲錢比我呀媽

要講偷錢
其實成個屋企得我會偷
因為淨底一個搵錢嘅(老豆)
一個戶口草左好多錢最近仲跟佢呀妹學炒股(呀媽)
一個收收埋埋唔少錢又有人比錢佢(呀嫲)
同埋冇工番冇草錢戶口冇四位數嘅我
但宜家嘅我食住行淘寶有人比錢
課金有生日利是頂住先(都冇乜點課)
又未駛去到偷嘅地步

真係好煩。

我都唔明點解唔見錢一定係我呀媽偷
就好似我地出門口就一定係唔帶佢出去玩
叫佢出門口去旅行等就三推四請話腳痛麻煩唔去
明明都有專人(老豆)推車車佢

今個月去馬來西亞就係為左陪佢去探親戚
買完機票訂完民宿
先話腳痛唔去叫我地自己去

唉
我都唔知點講點做
好麻煩