到而家我都成日提自己要記住逆思考既重要，諗唔通只係我學毅未精。

什麼是逆思考？

有兩種相似但唔相同既說法。

一種係思考事情既反面，例如溫溫唔係可愛既女人，好難有男人鍾意，呢個係正常既思考；但反過黎諗，好多女人都可愛，但溫溫係獨特既，有超越可愛既優點，對於對既男人黎講係無可取代。

另一種係思考你既對手，簡單黎講就係設身處地，以體會親人既態度去體會你既敵人，咁你先可以真正針對到你既對手。

兩種講法其實冇衝突，亦唔係咩高深理論，只係人性始終係自我，太多盲點。

哦，就是從不同的角度切入同一件事。

逆算很大程度只能用於棋盤或資訊／語意十分統一的範圍。有啲人我同佢講嘢，唔夠五句怇就會曲解我，對同一件事嘅理解可以差天共地，咁無得逆算。

但嘗試逆算始終會將失算既機會降低，自古中國已有人鑽研此道。

batavic: 其實做人好多事都要「睇兩面」，睇反面，睇別人點睇。洋人對逆思考無咁早精通，佢地仲常見有 Positivism 傾向。

但是，「睇反面，睇別人點睇」限制其實好大。以釣魚台事件為例，日本國家化釣魚台，一心只是取悅中國，肯中國擦屁股；中國收到的訊息卻是惡意。你以為你已經盤算了別人嘅感受，但對方卻當你無道德，呢個世界就係咁。

雖然唔知你既釣魚台論調何來，但正思考與逆思考，只係兩種唔同既應對方式，其實冇高低之分，正如西方近年亦開始有人肯定東方既集體精神，反省個人自主是否真係唯一真理。

我想講嘅係，正思考與逆思考看似一面兩體，但資訊不平等，各人對同一件事看到脈絡不相同，便令得逆思考不適宜多用。

資訊從來都唔平等，只要唔好傻到只用單一方式、角度去思考就好。

逆思考不是變成那個人，你只是代入那個人，極緻地說，任何溝通都有猜測成份，你心想是對的事物只是猜測而已，直至發現會錯意為止，之後再猜測，週而復始。

所以逆思考能否成功，視乎你有多了解對手。未充分掌握對手背景前，還是先由正思考出發較好，孫子謂知彼知己，就是這個意思。

其實首先要知得更多更不同，鄭立學史是看英文書英文資料，而且常設身處地思考對手和不同人，所以那麼不同，我覺得這兩點值得學習，這樣進步效率高得多。