我宜家嚴重質疑我爸個腦

佢竟然放隻龜係浴缸！！！！

仲要係我不知情既情況底下

每當沖涼既時候去水去得慢我都會清去水位既垃圾

我剛剛沖涼又係度清垃圾既時候，突然摸到滑滑地既野， 我撥佢出黎，佢竟然識郁囉！！！！！竟然係隻龜囉！！！！！！！！！！

我即刻大叫，叫媽入黎拎走，然後媽竟然同我講，佢琴晚已經係度囉！！！！！！！

我真係拜託，唔好話我知，諗起個手感我都打冷震…………

而且……………隻龜連日黎都食唒d洗頭水同沐浴露………………

我真係唔知我阿爸諗緊咩……………

真係會嚇爆!! 但係你媽咪又會由得佢癲嘅? XD

因為我阿媽都係顛......佢竟然係我沖完涼之後.........放返隻龜去浴缸..............

你父母真係……父唱婦隨(?) XDDD

請問你屋企有冇其他地方養龜?

其實佢有個箱仔養佢.....但似乎我爸想佢郁多D,所以經常唔擺入箱入面.............

某日,我見佢擺左個箱係窗邊,我佢爸咩事,佢話隻龜要哂太陽............

你隻龜有幾大隻...

我諗起有套日本電影，女主角係拖住隻龜落街散步！XDDD

隻龜大5蚊硬幣小小...如果佢真係帶隻龜出去散步我真係想扮唔識佢囉==+

咁細隻！！！我仲以為起碼有手掌咁大！！XD

係呀....我之後係度諗會唔會有人沖沖下涼踩死佢XDDD

我諗沖走咗嘅機會大啲XD

唔會熱死佢咩？龜係冷血架啵…