[職場]先講最混亂既問題,最近,職場經常會遇到一位男性,叫佢D君. 我職場有9成半人口都係PART TIME,佢高我幾級,但都係PART TIME,算係上司. 而佢既職能就係幫我地職權上解決唔到既問題,有時候幫我地解決D西客咁樣.起初,覺得佢幫我地係工作上一定辰做既事,所以一直, 都唔覺得有咩其他感情.慢慢,發覺D先生經常起我附近打轉,有好多次,我未舉手求救,佢已經介入幫我,初初都注意唔到,心諗佢只係一個熱心上司..

時間耐左,我開始發覺佢係注意住自己.最近愈來愈明顯,好多時我前面好近既位已經有其他上司黎幫我,佢會從好遠既地方用跑的黎幫我,有幾次比其他上司見到....表情重要好微妙.....我唔知我表情有無微妙到但我都好冷靜好有禮貌面對佢

成日巧遇, 明明起唔同AREA 做野, 放break 都成日面踫面撞到,我都有有禮貌咁點點頭, 雖然我生性怕羞唔多望人,但我d草食動物觸角感覺到(用餘光)佢係咁望我. 佢真係係咁望住我令到我有被狩獵感 發展到依家. 到我開始有少少注意佢

重有好多好多事發生,基本上次次返工都會見到佢, 比其他上司多好多,成日都會坐中佢o個行, 有次,個客個ac 比其他center hold 住左,旁邊d 同事去曬wc,我又坐得偏, 佢黎幫我. 因為對面同事hold 好耐. 所以我同佢獨處左好幾分鐘,我feel 到佢有緊張,我又係表淡定內緊張咁; 又好似琴日咁 我同跟起我前面既同事打招呼 (<-再加笑容)點知又撞到.我feel 到有奇怪既氣氛

同埋上司們都有一部可以監聽場內全部電話機既電話, 有時會見到佢起我比其他上司幫緊既時候監聽...呢個都係上星期我幫新同事既時間發覺到(因為通常有大事, 例如有西客,個客玩野,個客發脾4,d 上司先會用o個部電話) 但o個次只係個客d鄉音太勁新同事入唔到acc

嗯, 那麼, 我感覺如何? 嗯.....有人咁care 自己其實我係覺得開心的. 但...我憑咩?唔理D先生係唔係真係對自己有意思,我覺得就算唔進一步發展都ok. 依家都幾好.都發覺到自己應該要多d 被愛既經驗.因為D先生我去認真去了解下呢方面既認知,原來以前自己都錯過左2次戀愛機會

啊,原來我唔係無異性緣,只係我呢方面太鈍同無信心.(結論

做住朋友先?

utsu>> 關係好遠

(無橋樑)
啊,重有就係其他上司同佢fd 既開始feel 到異樣

佢冇黎主動結識你?

因為好忌呢d事, 因為其他中心近期都發生男組長非禮女同事. 同埋佢其實幾內向下

第二件事黎啦.

曼近同其他同事fd 左, 女的較多, 前日放工去m 記吹水, 有一個女同事係tb

呢個女同事, 我其實十分苦手佢, 係我最唔識得應付既類型,講野好大聲, 好多野講,好唔識睇氣氛做事,最致命係佢係o個d 好中意身體接觸o個類

佢同某一班女同事唔o岩, 表現曬出黎o個種. 對於力求做到八面玲瓏唔得罪人為上策既我黎講,係一個超大困擾

放break,我中意收埋自己起一角食飯睇雜誌同電視,佢坐埋黎就會狂講野,唔講野會死咁, 我好困擾, 成日搶我手上既雜誌, 我好困擾. 成日要我應佢, 我好困擾

佢一講野就超大聲,我好困擾, 無啦啦插我肚,我極度困擾, 無啦啦身體接觸我超級困擾. 佢琴日無啦啦圯我裝水既時侯起後面突然插我肚, 我嚇到"哇?!" 左一聲比人望住, 我好困擾

我想辨法遠離佢

完

男上司偷聽果到有少少可怕，佔有慾好似好強，但我始終唔了解佢系點，一齊左又可能會唔同，試下同佢吹下水睇下點先

氣氛白痴可以用普通語氣直接同佢講唔鐘意身體接觸，我覺得佢系完全睇唔出你有困擾到

我試過比三個氣氛白痴圍攻成年，最後忍唔住大聲話左句，之後比佢地玩針對，女人真系好可怕

男上司偷聽果到有少少可怕，佔有慾好似好強<- 求詳細

嗯,我明點做啦=](對女同事

感覺D先生係一個幾溫柔同少野講既人,性格同我幾似, 唔會主動同人講野, 係d 同事主動同佢講野佢先會應人咁

一直留意住你先會咁快有反應，明明已經有人幫緊你仲要監聽，一系怕你教錯新人，二系要知道你地之間有咩對話，單系你講既情況，我覺得佢控制慾同佔有慾都好強，當然都有可能佢只系笨拙果類，呢啲要靠你觀察一下，先知道佢為人系點

在意的話，保持朋友距離試下同佢講野，了解一下先，到佢真系有咩表示先再考慮，我覺得佢唔夠膽咁快有行動

我應該唔會教錯新人,d 上司好中意搵我去教,有d 嚴既上司都讚我乖(竟然係乖orz...又係乖...好sad)...雖然我次次都教人蛇王

感覺佢唔似係無戀愛經驗o個類

做過幾份工我練到神淡定,所以佢應該都唔知我feel 到有咩

愈聽愈可疑小心啲好，出來做野無論咩人都要小心，色狼無樣睇嫁！我試過比啲細我2年，唔夠我高睇起身人畜無害既總受臉捉住雙手推埋牆角，雖然無對我做咩，但都嚇到我半死

咁恐怖, 但我應該係唔會惹色狼既類型

我呢隻肥猪都有人食得落，你話呢？色狼真系雜食性架，一定要提高警覺

知道!

中三開始我就出來做part time，份份工都總會遇到呢種敗類