朝早果下因為無訓過又見光死,所以好躁底,乜都窒得一餐(我一唔夠訓就係咁,特別多無意義既野講,重要講極都唔停)
今年行上去有進步~真係多得上次大東山特訓~
對上一次去茅湖仔,我死足5次先上到去
今年死左2次咋,哈哈(叉腰)

果時D扶繩變左扶手,而且D石又穩陣,確實又係好行左既~
然後等初四再行山~XDDD

今次又好偏心帶左豬丸河去行山~(佢就黎係我既行山良伴之友啦XD鬼叫佢輕身D,又都可以取多少少景咩~XDD哈哈)
原本打算帶1大1細,結果都不能如願,因為前一晚我搞完豬丸河之後就無時間再去搞D大既,於是放棄~~由去年到今年,豬丸河成日都有得郊遊,我覺得佢就黎比D細佬妹酸死佢~XDD

雖然今次無影到同行友人兩隻仔,但已經親身徹底非禮左~~滿足了~ KILL_U真係好型~~而且個心口漲卜卜,好結實既胸膛呀~XDDD
橛少你又學人開胸XDD小心凍親個X<自動消音)
原本想同豬丸河擺多D POSE,但無奈佢外硬繃繃外套D布頂住晒,變左不舉XD
所以今日影埋D都係行行企企食飯兩味(<DIU,你有邊次唔係咁影)

岩岩過相,原來影左93張~~數量都OK~
今日影得OK勤力~~
因為扣減埋我上到去影左上半場然後訓左既時間XDDD
要知道係個中間位,太陽暖暖的,撻係度又有個反光板蓋住擋光真係好舒服呀
係囉,舒服到訓著囉,重流口水添呀

其實我係醫院等友人去方便時已經係人地醫院D椅度,撻生魚咁撻左係度,一條頸巾遮光咁想訓,正當我去到夢之國售票處比左錢,準備拎飛時,3次元世界就有兩位實Q伯伯關愛我啦........我無禽流感,請放心,只係純粹想訓覺者XDDD

不過上到去又見到D激氣野......又係D無公德人既破壞行為.......係咪要搞到呢度消失左先得安樂呀!?
玩還玩,唔好咁缺德好無!?
竟然有拆石,開營火會既遺跡...真係好過份!!

係廢堡前幾步路,重成地BB彈.....雖然唔知係咪同一班人,但同樣無公德心~

多謝晒今日友人忍受我既暴躁脾氣(艸)

友人話香港宜家用既BB彈全部係可分解…………起碼唔會千年不腐……

咁希望今日見到果D BB彈係屬於可分解架啦~
但講真.....行到去,見到成地BB彈,都咪話唔煞風景~
頂唔順,要訓啦~~聽日先執相~~雖然立下眼炒左好多,不過影得清都有,睇黎都唔會全部要唔返~~=V=