唉~搞到咁都唔敢博,費時到時要CALL民安隊/A\
整到飛左友人飛機,真係唔好意思......尋日見自己無病無痛諗住今日實得架嘛......

UmbraEden: 我都唔想突然咁樣

pheliai: 好D未?

個心無跳得咁勁,但生理期同肚仔痛~
睇黎今日決定都正確,若果咁既死款去行山,真係死係個山度都似

話說呀,點解依家D倉鼠籠咁細架~~
虐待咩......豪華到2,3層都有,但偏偏個底就好窄,咁叫D鼠鼠邊度有位跑百米發洩下D精力

依家真係好後悔點解果時一野丟晒D籠
以前果個夠大,都算易打理,係佢附送個轉輪嘈者~~
若果唔係依家就唔駛為個籠煩.......D水晶籠覺得好焗囉

對比過,倉鼠同天竺鼠,無論係地方,預算同時間方面,始終都係倉鼠比較適合自己養多D~
另外自己之前有養過,始終有情意結,二黎有經驗,會安心D~~
天竺鼠的話,唔係唔可愛,而係所有野要從頭學過,由零開始,怕自己無經驗養唔好~

有時睇D論壇都咪話唔睇到一肚火,特別係D明明自己白撚痴左,重死唔認衰,所有唔100%附和佢回覆既人都要鬧,雖然有D人係搞事,但明明都有唔少人係理性討論,成個PO最唔冷靜果個就係佢,佢重好意思話自己無火喎,睇黎佢個腦真係好有問題
而且睇佢D回覆同行為,真係好難令人覺得佢好有品囉~
至於佢對小動物好唔好就不得而知~但基本對人無品呢樣野就可以肯定,大家有眼睇囉

跟手見到該位比條痴線女人開PO勁鬧既當事人現身,踢爆佢D衰野...老實講,超爽~~

最好笑係人地終於忍唔住現身說法,條友就話人地90後小朋友把口唔收...但係明明佢自己鬧左人地好幾頁,人地先出黎講事實(重要前面已經見佢回左2個PO講SORRY囉)咁到底邊個把口唔收呀~~呢D人都真係痴線無藥醫~
有D野唔係推話講笑就可以扮到自己無錯囉
三九唔識七問人借錢買籠已經好笑,重要話自己生日叫人送個籠比佢,....有無咁白痴呀,講真,有返咁上下年紀都唔會好意思同人講自己生日屈人送禮物啦,何況果個重唔係朋友...

成件事真係朦到上心口~
當然臨急臨忙當日先通知既當事人係有唔岩~應該一早通知~(其實佢一早覺得唔妥應該早D醒水)
但條友係痴起上黎,我覺得早通知佢係要鬧都可以夾硬搵野鬧
呢D人最好就係避之則吉1

BTW~最後睇見真相浮上黎,無人幫條友,佢自編自導自演戲碼落幕就無再回PO
真係大團圓結局,亦都令我深深咁記住條友既ID,以後肯定唔會同佢有所接觸