真係唔知係我背定乜啦~~~可以平時行過都唔會點留意
原來我地呢邊間野,小動物有7日保障......但係有時小動物真係講眼緣,唔合眼緣,你賠十隻比我都無用~
不過始終有保障,買都安心D,呢樣又事實既~~
但頭先故意已經夜D先去睇,除左另一邊果堆之外,其他鼠鼠都訓覺,唔多願出黎玩下咁.......都未敢出手住~~
要執下房D野,騰返D空位出黎,準備一下

雖然係家品店搵到百零蚊夠晒大既膠箱可以夠養熊仔鼠,但搵晒,我間房都無位放個膠箱囉吹漲,這是示意我要放棄熊仔鼠嗎~(我都唔想接到返黎,要佢住籠屋囉大佬)

然後返到黎個FD係FB SD左D野比我睇......有小紫王領養(艸)
我該如何抉擇Q口Q
不過無論點揀都好,首先我都要執好間房,騰夠空位買晒籠果D野先去領養

救命,救命~~這回的擎天也萌死了
怎會這麼可愛呀你,忠犬萬歲~

(我無追)佢地係唔係一對…………男方好可愛~~~~

佢地未係一對~但擎天明顯對妮妮有好感~~擎天忠犬得好可愛呀~~

熊仔鼠呀熊仔鼠,真係唔知同你會唔會有緣份
我會開始執好間房,騰出空位,準備一切所需用品,希望到時你重係度啦~

好日唔執, 黎次大執同自殺無分別....執左成晚.....都無執到一半.....痴線
明明間房好細,點解可以收埋咁多野架~~

越細越收得多……

係越細越塞得實～越難執～

snowsnowapple: 中肯

我兩樣中晒...唉~
無計,無地方,野又多,自然D位用到盡,只要塞入去唔掉返出黎都塞爆
其實執晒D野出黎,我覺得...間房其實唔係咁細XDD
但太空又無安全感

挖返好多藏書呀XDD
真係唔挖到深深處都唔會再見返XD
但重有超多野要執

加油！

嗯~食個飯先
今日已經完成左將床既部份書搬返出廳,將廳既兩個位放書位塞爆左
跟住就睇下執床尾個放書位先定諗住之後會放籠個位先啦(<重有個有門既櫃
同埋大堆雜物,重有床邊D萬年塵....床單訓到穿晒窿我都想整走埋佢)
跟住剛岩又忍唔住同老豆嘈左下~不外乎又係話我新年前唔執,依家先黎執果D

大佬,咁新年前執,有時限嘛!!
而且我執佢又執,兩邊同時執,邊有咁多地方擺挖出黎待整理既野呀!?
加上最最最重點係...我好鬼怕人嘈/單打我,唔執又話,執又話~~
總之乜都有得話.....咁既壓力下,真係好難怪我平時唔執...(其實我幾鐘意執野,但我唔喜執野時D人走黎走去,又望又單打)
而激氣係.....我都肯周不時執下房,但反而要比人話,真係好搞笑囉(冷笑

得到新床單~~一陣食埋飯就繼續執書櫃,執晒其他地方抹晒廛最後先清床邊換床單~到清好D野就可以出物色下D用品啦(轉圈

死,食完飯想訓覺添...但重有好多位未執呀.......好多書未抹呀.....D塵厚到仆街....
就算執完書,又到D娃野要執.......好似儲左好多唔要既野.....
書就無乜可能賣架啦(睇下有無D真係散既,又唔多願睇既就望下有無人收留啦,尋日先將一本OUT晒,根本隻軟體都唔會再用既教學書比左個收報紙既阿伯)

重有D港漫,畫冊,以前買既動漫雜誌,床尾未執未抹既漫畫月刊(我鐘意漫畫月刊,一本唔貴,又多漫畫睇,好鬼歡樂,重點係以前本SHINE真係夠厚囉,厚得黎又唔重,真係大愛,由佢創刊買到佢停刊,我都算忠實FANS啦)

個枕頭又扁晒~~睇怕都係要買個新既枕頭,再將兩個疊埋一齊用啦
枕頭唔岩高度,真係訓得好唔舒服

係我未執好個地方前,睇中既熊仔鼠已被人領養了~唯有再等下
等我多D時間準備~希望D已被領養既鼠仔有個幸福的家啦~~^^