[神犬阿西]之前得本第1期,成日搵唔到其他,以為又係借左比人無還到(已經唔係第一次,我真係唔見左好多書...好討厭,重要次次都係成套完整,借左D頭/尾比人就無回頭,明明完整變到咁,更慶)
到搵返晒其他期數,本第一期又唔知飛左去邊,激死

[雪蘋果] 3獒3歲生日～有人叫我代佢錫佢地一大啖！難為我全面被阿囡濕滑地洗到滴水！ -

每次執書都必定會增添一次既比書活埋紀錄......今日更新左....(雖然都慣啦,但係敲到頭都痛架嘛)
再加埋把三角呎...收..掛彩.......成條痕係左手度...點呀.....痛死人
阿西#1又搵唔返,毒伯爵該隱既舊版5期,唔知點解搵唔返.......收書既位都搵左8成半,但都唔見.....只可以肯定我無丟,但唔排除會係以前有人借左唔還......妖,果幾本重要依家都無乜可能買得返先衰嘛

我唔介意借書,借野比人,但借左唔還,或者之後因為好多原因而拎唔返就好介意囉~
好好地一套書比人拆散晒,再唔係就專借D舊版書,重要依家無乜可能重印既...真係想花錢買返比自己都買唔到....

然後......由唔知幾時開始,就好易儲唔齊一套書,特別係長篇,成日買到後尾就無心機買埋到結局....唉~~無眼睇
又發現左好幾本係集數重複......唯一比較欣慰係.....都挖到D書係自己捨得唔要既(<有一本過,有D唔知做乜係得中間一集,重點大多數係,唔好睇)
咁點樣都可以騰到多D空位出黎呱...

搵D野咬下,又要開始抹書......唉~~抹到手跛......
但我又好樂在其中喎~~只求依家可以快D執好D地方,然後畫妝~
(只要執好D地方,買籠之類既野,可以慢慢分配時間,慢慢做~但執房一定要一氣呵成)

阿西#1終於搵返....陰公
原來我記憶無錯(因為真係記得無丟過佢,而果本野都好長時間放左係我細佬既書櫃下層)
但唔知幾時果本比人塞左入去最底層,重要係再入面既入面.....妖,搵得到先出奇
不過搵得返都好,唔駛再心掛掛~
但係睇怕我套舊版既5本該隱都搵唔返,呢套就應該真係比人借左唔還啦

執書執到傻~但又好享受 比咁多書包圍真是一件幸福的事
就算被活埋我也無怨了~(轉圈)
今日終於將多年黎係老豆房個書櫃既流放漫畫救回~(其實好耐之前換房時我放太耐都未執晒D書,老豆頂我唔順就求其將我部份書亂咁塞入佢書櫃,跟住我好似就無郁過果堆野)雖然都執左唔少應該唔要既書,但都救返一D好耐無睇,雖然唔齊,但想留返既書

睇黎你呢次執得好狠下喎....

絕對係......等執埋D漫畫月刊,抹埋個櫃之後就準備換床單,掃晒床邊D塵

漫畫月刊令我諗起以前買COMIC FANS 的日子...(遠目....

呢本我都有買,但D漫畫愈黎愈那個,又薄......又貴..D錢拎晒去整D無聊贈品,激死
情願佢拎D錢去加頁,睇多幾套漫畫~
我都唔係有鋪買月刊癮~真係買過CF,SHINE同以前有買下A-CLUB咁大把
新少年果D...以前有係D表姐屋企睇,但連載內容一般,睇過幾本都係覺得SHINE最好~佢頂多係有時送下海報咁,主力都係漫畫,好多漫畫,有時又有D中,短篇睇

果時都係賣22蚊,陰公,佢創刊同休刊未加過價囉~真係良心月刊~
不過佢停刊果下真係好失落....QAQ
情願佢加價都想佢做多幾年~漫畫月刊覺得佢賣30蚊以內都還可以接收(當年)
但依家呀...我睇一本都要賣超過30蚊,唔係都幾難做得住

CF 以前有段時期有個漫畫有小食譜...有啲食譜我試過係幾掂架...可惜之後唔見哂啲食譜...想搵都搵唔返....

我從來都係得個睇字....果D食譜從來都唔試.....(艸)

我應該今晚會挖到D CF出黎~
睇下有無果D咩食譜,搵到CUT落黎比你啦~
(反正月刊果D我諗應該送都無人要~睇怕都係我儲佢地過世架啦)

食譜!??係咪個女主叫咩"野野原蘋果"果套!???
我都唔係好記得D書名.....買到好散

哈哈...好似係蘋果小廚神果個時期...(唔知有冇記錯個名...最搞笑呢套漫畫我本身係全套齊...後來借左俾個FD...佢話突然心血來潮...覺得不要再沉迷漫畫...丟哂屋企啲漫畫....跟住順手連埋我借佢的都丟埋....

你果單好無奈囉......

HAHA~~~好似係咁上下名....唔知係咪都叫蘋果....所以先有睇....(同埋果陣買CF係為左美少女戰士！？

我耐唔時都出現啲咁神奇GE朋友囉....

不過好明白果種FEEL.......就算係借比個FD,佢無丟...但之後無再聯絡,唔還,其實同丟左你套書都無分別

美少女戰士!?我都唔係好記得自己買果時有無咁早囉~
不過次次執書,發覺自己唔見左咁多書真係好傷囉...陰公.....大佬,真金白銀買返黎架....

我好似都有絕版小說係咁樣收唔返.......

絕版果D落得咁既下場,真係喊都無謂
所以我依家好鬼怕借書比人......

但月刊你咁留得GE? CF 真係好多年前興架啦喎...(究竟而家停左版未架？

即係咁,借比人唔係問題,但借得比你....你睇完就自動自覺還就最好
要我出口追書就樣衰啦

我借左會唔記得架...但借小說果個係本身好FD好FD...(但我都信佢唔過...迫佢借三本，每次要還齊三本先借得下三本...跟住好似反左枱就依然有三本係佢手...

其實書類我大多都KEEP得好好(大佬,我精神支柱黎架,我老豆就算敢丟我D女人鞋都打死唔敢丟我D書)
好少會丟書~月刊更加唔會丟啦,一本就有咁多套書睇,又大畫面咁方便XDDD(笑)
其實CF我都唔知佢停左未,我都買左好耐先頂唔順CUT書

最怕呢D,我就係中過招....借左書既FD,反左臉就書收唔返
咁當然佢都有D書放左係我度啦,但我情願D書還返晒比佢黎換返我D書呀

我情願D書還返晒比佢黎換返我D書呀<---ME 2 丫...

不過經過幾次....我有好幾套整整既書都比人搞到散晒唔齊之後
我依家買書癮都淡左好多....一黎無位擺
二黎買齊晒比人借散晒,有時自己想重溫返都唔得,好討厭.....
買齊成套,我都係想自己幾時都有得重睇者..唉

我妹好似清走哂啲漫畫...而家屋企得返小說......(佢應該趁我唔係香港俾哂人.....

幾時戒甩左睇漫畫就真係唔鬼記得......

咪係囉!!!
計計埋埋我真係唔見好多套
舊版該隱,5本成套無晒
棋魂後面果D又係比人借左去
劍心前7期比個舊同學借左去又係無回頭
魔法騎士得返第一部第一期,陰鬼公,又係衰借比人
若果再加埋有D我買買下有D又無買既....唉........真係諗起都灰
有時見到D書唔齊真係好炆

我屋企乜書都有(因為全家都鐘意睇書,但漫畫最主力以往係我,買唔停,但我係儲實冊體書,我細佬就網上睇)
我諗呢世都無乜可能同漫畫脫關係~雖然睇少左,但都係會睇

放係櫃度少幾本...篤眼篤鼻...就算仲買得返...行到埋去...諗起自己明明本身有又要買過就更忟....伸唔到手去俾錢....

係

明明買過又要再買<<除非套書真係超愛,若果唔係做唔出
特別果時,真係期期追,一本本買返黎,慢慢儲
果種FEEL係唔同囉

因為本身睇少女漫畫的...但有一個時期啲作者唔知搞乜出啲書垃圾左...畫得又差哂...跟住就停左無買....轉左睇小說...(果陣好似覺得睇小說襟捱啲...無咁快睇完...

睇返當時果本黃甘甘好FEEL 好多架...

就算買過...如果係再版紙質又唔好...就算同一版....都會唔同色.....(始終存放都唔同....

雖然依家搵舊書係唔同左,係易左
但係我始終鐘意搵返D散買,淨係補返D甩漏左既期數,同以前自己儲得辛辛苦苦既儲返一套,咁樣好過放棄自己買果D,然後補返成套二手書返黎

有一期D少女漫真係好垃圾,不過依家都一樣好多垃圾少女漫,只係有一期個比例真係好可怕~
所以有期我都無乜睇少女漫,睇少年漫(我一向都係兩邊都睇)

書就係黃甘甘,都無所謂~始終自己儲~
而且都係睇內容者~~我又唔太介意
旨在儲返成套~
我有幾套正頭中間有幾本係唔同出版社,或者係唔同時期出,成個版都改晒XDDD
就算甩晒頁都照睇可也~~

雖然小說耐睇D,但係得字,吸引力始終少左D,小說我通常睇完一次就好少返睇~~
不過都有儲D輕小說,但量真係少好多

發現SHINE既2001年1月,2月號無.....我諗應該果時漏買左
真係好想補返果2期,不過依家黎搵,我諗都好難搵得返.....若果有人放
我貴D買返都願

D書總算執晒出黎抹晒~食D野休息下再執返晒入櫃
然後訓醒就準備再清塵換床單~
再遲D就執下D娃品,睇下有乜唔要同D書睇下比人定賣出去或者丟左佢算了

無啦啦見到啲驅蚊小貼士...有人分享︰麻油，曾經睇過條link，身體露外部份，只每部份搽一點麻油，就真係冇蚊咬，我成家都蚊痴，親身試過，真係得，知後家，落蚊紗，再係蚊入地方，放一杯仔麻油，同點d麻油係蚊紗，定期補一補，屋企成2年，未見過有蚊入，希望幫到您...

>我用日本麻油，應該普通麻油都得...
我個女試過比蚊咬到留醫6日，冇辦法就試下，真係得，吾知撞彩定係乜，2年，門外，窗外都好多，但冇蚊入過屋，同出街冇比蚊咬過...

另一個>再唔係有機會買到力士原味皂，加小小（變成皂水）放係去係出水位（蚊同小強出沒地方）都有用架，不過記得原味，如果平的可以買多一點，回來切粒粒，用爛左的絲襪代起，可取替臭丸，放蟲放果一流！而且D衫有力士味好過臭丸味（不過記得買原味）（當然家中無寵物同小朋友誤飲先好用啦！）

麻油我真係未試過..總覺得將食既野搽落身度..好唔知點咁XDDD

萬歲,終於執好左9成書啦(轉圈)
剩返果1成基本唔執唔轉位都無乜問題(好似)
睇心情啦,可能訓醒又會抽起條筋抹埋將D漫畫擺返晒一齊都唔定
但雜物都重係好多......可能最後都係要搬返晒上床度先可以空晒一個大櫃放鼠籠

D唔要既書同CD,遲下影相,睇下有無人收留啦
唔係就紙皮回收阿伯同垃圾桶見了

鼠鼠真幸福～有你為佢安排大大的住宅^^

藏哪好呢？「天兵松鼠」撥開伯恩山犬捲毛埋堅果 | ETtoday寵物動物新聞 | ETtoday 新聞雲好好笑～

snowsnowapple: 頂,笑死,見到隻松鼠係咁撥隻伯恩山D狗毛果下真係Q到暈

snowsnowapple: 幸乜鬼福,我都未買籠XDD
執左成個星期先執左9成~(不過最煩既除塵動作就真係差唔多)
都丟左唔少唔用既野,又執左好多唔要既野~
但都重係好多野....睇怕最後都係要搬返上床邊.....
D娃比我亂堆埋一舊....唉......