都算係一些做文職既小趣味。
投身社會應該十年有多了。
這些年不變既係,老闆咁多年都係都有被害妄想症的。
初入行的時候,一般同事番工都會想盡辦法,裝msn。
而IT既同事既主要工作,就係阻止其他同事玩msn,而自己可以msn同fd講你番工可以msn。
真係用方法都見識過,web msn係基本,免安裝,收埋行tool bar,如何快速收埋去右下角,icon變network電腦仔,用記事本打好晒字先貼上又見過。對腳步聲特別敏感。
對,人就係咁衰,越唔比我做,我越要做。番工坐埋位就拎個包出黎食,第2件事就要上線了。
我諗lee段時期都好一段日子,和msn偷偷摸摸的生活。
直到skype的出現,因為skype能帶著 "大陸廠,外國客即時溝通" 的黃金聖衣降臨。為得到每一分每一秒都要hea,我放棄了自製icon。
一段算很短的時間,直到fb的出現,比起msn,fb是嚴重犯規。
可以同時留意全部朋友行蹤之餘,重要大把Game玩,基本上你係根本唔會有時間在工時上工作。
當然,這些嚴重影響員工既網頁,很多公司都會Block。在我印象中,這段時間工作關係,我係需要上好多網。除咸網,咩都睇一餐。
老闆通常重有一個特點,就係後知後覺。原來,fb係一個會生錢既工具。對,我睇新聞,阿邊個成功了,我應該都可以有十萬人每日睇我!重點可以是0蚊。
智能手機,流動上網。
令到我再沒有必要在公司上任何私人網。
更嚴重的是,同事老闆會忽然間唔知幾時開始變得很友善,問你可唔可以做朋友。
一個沒有問號做結尾的問題。
你是跑不掉的。
你是想不到,怕員工hea既老闆,倒頭來是每分每秒F5 fb。
一個身份,兩個帳號。
是一般人既做法,有心機既,分Group。
成件事,變得好複習。tag你睇唔到,留言更不可亂來。
基本上,我個wall係要經過我approval先可留言。
但我真係唔知幾時fb會無啦啦出賣我。
你不能冷落她們,定期要留一些公開的言。
講電視,感謝家人,小貓的相是低風險既選擇。
但你絕不能skip了她的日常,因為你會發現,你的上司真係看你的小貓。所以你都需要知她琴晚的晚餐。
所以你一不小心,被tag去玩的相流出,第二天你射波就會GG了。
其實fb我都習慣了。
更可怕是whatsapp,有間公司可以有5個公司group,email可以扮睇唔到,變到指令係email出完,要補個whatsapp。
打每一段字,我都會望得清清楚楚。
連cap個screen都要睇晒上上下下。
咩都係 "whatsapp group講左啦喎" 就算半夜2點,你都要知。
直到前日,阿姐同我講 "通常你半夜4點最後上線,我就知你會唔知醒番工。"