話說..今日我姐比家用我媽, 我媽就話''哇比咁多, 唔洗比咁多喎, 收返啲啦'' 我當時都無多問比左幾多, 但係月入兩皮野, 我眼中既多以為佢係比左6k-8k..然後我爸返左黎, 我媽就同佢講我姐比左好多家用, 5k.....我心諗咁就叫多?!

我得10k都要比3k, 佢20k就比5k, 然而我媽仲叫佢下個月唔洗比咁多...哇我即刻覺得咁唔公平既, 5k可能睇落算多, 但係以佢搵20k黎講其實我覺得個數目唔大囉.. 如果我搵到20k, 我有錢草到又可以維持到個洗費既話, 我比10k都得啦..

其實我比左3k出去,扣除洗費其實都真係唔係幾草到幾多, 說好的每月草5k係無可能既...但係我唔係介意我要家用, 我只係覺得唔公平, 一個搵多啲既人點解唔係比多啲..應該係按比例而升既我覺得..

然後我爸就話,咁我比返1/4就得, 其實我唔介意比3k, 我更想既係佢同我一樣都要比1/3, 點解要就佢?! 可能我一直都同我姐關係都唔太好, 所以真係好唔gur..