穿個耳孔搞足幾個月

8月頭去Isabella穿耳, 都知佢要求3個月唔好除穿耳耳環. 早晚洗耳孔+轉針.

去到10月尾左耳孔突然流血.... 咋咋臨落舖睇, 佢話係膿血, 仲係兩隻耳孔都有泡膿血, 清晒膿, 配咗對膠針, 膠針可以戴三星期; 話如無意外三星期可以換其他耳環.

然後我10月尾去到宜家一直都好忙, 忙到根本無休假又日夜癲倒. 琴日試下自己除對膠針, 一除就摸到右耳孔又有泡膿血.

左耳好順利咁換返穿耳時嘅閃石耳針, 但右耳孔我用鋼針拮咗成粒鐘先通 差啲以為右耳孔要從頭來過....