噚晚真的超級唔開心...
經過一日心情轉換過來了
但都係覺得需要把情緒放出來

昨晚我好認真的在想
到底他有什麼優點，不過我真的想不起來
我媽媽究竟點解會同這東西結婚...

我對佢印象就只有「打」「鬧」
一見面就鬧，細個都仲會駁下，唔啱聽就打...
到大個啲，我都盡量避開，一返到屋企就返房關門
但我係生物嚟，我有需要去厠所嫁，一出房門佢又嚟料
我真係唔明，我做錯咩姐
係唔鍾意我嘅，生我出嚟做乜9

人哋話，响屋企先會做返最真正嘅自己
但係我响屋企真係可以做自己？
呢一個真係我自己屋企？
到再大個啲，我有經濟能力嘅時候
就同朋友夾份租地方，佢哋可能只係當做「工作室」「倉庫」「一齊玩嘅地方」
但响我眼中，呢度仲係我嘅避風塘，我真係好需要呢個地方，所以之後就算冇床，响工廈瞓地下，甚至只係迷你倉，我都要响呢度過夜，我唔想戴住面具，孭住另一個身分返屋企

因為咁樣，我習慣咗唔返屋企
有時真係冇地方去嘅時候，我寧願瞓街
但同時，我又意識到自己吸引變態嘅體質
所以好多時我都死死地氣返去
等緊我嘅，又係一堆粗話

到我真正搬咗出嚟，過咗大約兩年幾
我開始問返自己，究竟我係咪仲好憎佢
我發現其實都唔係好憎佢，只係好唔想見到佢

噚日，我忘記了响邊度睇到
有人話「關係差啲姐，始終都有爸爸」
嗰刻我係超唔開心，有真係好過冇？
如果佢冇响我記憶出現過，我至少能夠幻想佢係好
但係宜家，我真係搵唔到佢嘅優點...
好多時候，我見到人哋嘅爸爸，我的確感覺到人哋嘅父愛，然後我又諗返自己...

一諗自己，我啲負面情緒又出晒嚟
越諗就越想砍掉重練，我真係好唔鍾意自己
我真係好羨慕人哋

佢鬧你都係想你唔開心 咁你又何必伸個頭埋去俾佢鬧你

Sorry 囉！我錯

給你一個抱抱

erai: 唔使sorry 你自己。好好錫下你自己

zoeyui: 我...係咪有咩得罪你？我在自舔傷口，你卻說我自找，真係有必要補多腳咩
你係人生勝利組唔明白唔緊要，但可唔可以唔好落井下石...
我係真唔開心，唔係搞gag...水月死咗嫁喇...

erai: 唔明果個係你。世界上一定有人比你好 ，你要明既係 唔一定所有人都要明白你，如果你連自己都唔錫自己既話，你除左傷心唔開心重可以做咩？
你可能覺得我講野好難聽 唔岩聽。但係你望下你身邊有無其實好著緊你既朋友？
你唔開心 佢地都會唔開心
我覺得自己唔係落井下石，亦唔係笑你
身為一個巨蟹 我知唔吊得巨蟹屋企人&朋友
所以我唔話你爸爸點解咁衰，唔識珍惜你。
你同你爸覺得你自己有幾咁唔好，但係我覺得你好勇敢好勁，因為你有做緊 你內心真實既自己。
我作為一個唔太熟你既朋友只係想你開心d 錫下自己有咩錯？
第一 我幫唔到你問你爸點解要咁對你，但你既人生係你既，唔係你爸爸既。
第二 我做唔到你爸 代唔到佢俾父愛你

題外：你眼中既人生勝利組既我都食過精神科藥同自殺過不過死唔去

你睇唔到 搵唔到佢既優點
佢亦都睇唔到 搵唔到你的優點
但係唔代表無人識欣賞你
Sorry 我過去無咩機會同你深交 亦唔知將來有無呢個機會 不過識你咁多年 我一直想同你傾下計 雖則我地都唔似有共同話題 同 唔似多野講 咁多年黎 我都有出現無數咁多次諗起 如果水月係度就好喇 。水月著呢個一定好好睇。 變態佬咁多水月係度就大鑊喇。之類

我無攪gag，我打呢篇野打到喊到收唔到聲 我無當過你係圍喂威

我重想同你做朋友 我重想見到你

Sorry 無得兜口兜臉同你講

不過朋友我真係真係好鐘意你

不論係以前定依家既你

你需要我既 我一定會幫手

我一向都係毒舌黎🙉

我唔知你希望有既父愛係咩
但我自己都唔覺得我爸 經常出現係我生命入面
我爸都打過我打到爆缸
我哥同我爸細個果時直頭唔溝通咁滯

我老公同我個仔都唔溝通
個仔唔聽講 我老公就直接打
唔陪玩唔陪傾計唔陪瞓

zoeyui: 對唔住...
我知道你係認真當我朋友嘅，我同你咁多年...
如果係圍威喂嘅，轉頭就唔會記得你係邊個啦
正因為我都真心當你朋友，所以先要攞出嚟講...
你話我伸個頭埋去，我見到係完全唔識比反應，我控制唔到自己情緒
之後我有重覆諗點解你會咁樣講，但係我真係唔明點解
跟住越諗就越負面
認真我冇諗過要人明白，只係你嗰句我係覺得好銀耳，我覺得你話我突登做啲嘢出嚟比人鬧咁
錫自己？我真係無能為力，我唔識呀
我扮堅強扮到好攰喇，我覺得好孤獨，就算發生乜事都係得自己一個面對，我其實好驚，遲啲我自己一個搞唔掂嘅時候可以點
我同我爸爸嘅關係好似兵捉賊咁，絕對唔可以碰面， 細個嗰陣，我媽咪會通水比我叫我唔好返嚟住，老豆响屋企，我就算响屋企，都冇辦法卸下盔甲

erai: 即係叫你 唔好再理佢。無父愛 但係你有好多其他人愛你

唔識錫自己 所以你要自私d 擺自己係第一位

至少你都知自己係屋企做唔到自己，我連真既自己係點都唔知

邊個錫你就對邊個好。唔錫你果個唔好show 佢。

其實生仔真係應該要考牌 真係唔係人人都岩做人老豆老母 重要咁岩俾你生左係個唔識愛你既爸爸度

佢唔滿意你，會鬧你打你。但點都好你係唔會因為佢而做d會令到佢滿意既野，就算盡晒力都好。佢都係唔滿意個成果。 咁又何必委屈自己因為佢而唔係佢面前做自己