我也不知道0.0

我都讚成不能太迷信占卜未來, 所以近排我都少左占卜桃花工作之類嘅野
反而就係多左抽啲針對問題嘅建議卡
可能有啲人會話, 咁我鼓勵你好過啦,
但老老豆豆, 因為你唔係我, 所以你講啲乜野, 喺我嘅立場黎睇, 都只係局外人, 雖然明白對方係關心, 但心入面始終係會有個區分

但自己抽牌的話, 就好似同自己心靈直接溝通
有啲字句同話語抽中左, 係會好深刻印喺腦裏面

無論點都好, 我覺得呢啲建議都係對我有正面影響的

就算抽到負面卡, 一樣可以抽多張建議牌, 幫自己更正面去面對

通靈占星星座戈啲我真係唔係太了解, 要玩呢啲卡玩到好出神入化應該都好難
但現階段我覺得幾舒服的
每日隨心抽下啲卡, 思考點樣可以有更好嘅自己

有人話神諭卡同塔羅係會令我地有依賴, 變得乜都要抽卡牌
呢個就要睇自己以咩心態去對待卡牌
會太過依賴卡牌, 即係其實你都唔太相信自己, 首先, 你要信自己, 卡牌只係一個方向, 一個建議, 最終實行嘅都係你自己

例如有個自稱大師嘅人走黎俾左幾個NUMBER你, 話係下一期六合彩
你可以信, 又可以唔信
最終做決定嘅係自己, 而你亦都要為自己嘅行為負責.(而唔係大師負責)
所以要信任自己, 唔好令自己後悔

另外個人覺得唔好成日用卡去占卜人地諗啲乜
尤其是自己個心態好極端戈陣, 基本上個結果只會變成係你想要嘅結果

網上唔少人分享過, 因為好鍾意一個人, 所以抽牌問戀情, 抽左三次都話係真愛, 結果因為唔適合而分開
我覺得當時人嘅諗法都會影響好大, 其次就係, 可唔可以走到最後其實真係要睇你地做化, 好多野可以自己去選擇, 而唔係交個波俾卡牌去為自己決定.