我也想不透

好刺激啊，我以為正苦咁玩法會要嘟針卡/逼啪針（0針人）到我要山洞mode直到起碼2023年3月，山洞孤獨撚咗大半年就成年 竟然喺12月尾突然就放棄晒啲防疫措施。我真係好驚訝呢個神秘節後 timing 但其實又有啲唔太意外（？）佢會放寬

平淡在於，基本上今年9成時間我完全冇見過同事家人以外嘅人類，唔係摺埋去畫圖、進修就係社畜，冇約人、冇見人、冇活動到我已經完全分唔到幾時幾耐冇見過啲frd，有啲frd已經真係3年完全冇見過（體感隔咗幾個月only但啲frd婚都結埋、屋都搬埋）。我斷6親咁（

來細講下2022 大量me time做過啲乜..

1）drawing (2-5月)

• 1月尾入咗vtuber坑，2022前半年都沉喺Luxiem坑係咁睇片/畫圖，本身年初公司唔忙冇乜jobs，可以有時間精神一邊自學日文一邊每晚狂煲片超high喪畫圖

• 年初2月公司wfh，隔個星期可以長留家中安定宅宅，好幸福又愉快地畫起咗堆圖/草稿，直到大概4月中公司停wfh制要重新返公司

• 到5月左右開心畫圖mode因為公司有同事離職就即時終結咗，完全唔夠人做嘢嘅後半年開啟咗地獄社畜mode，有咁耐風流有咗耐折墮返嗚嗚嗚嗚嗚嗚...

直到12月30號我打緊年結，都仲有啲嘢要做(未做) 、年頭堆草稿我仲未得閒完稿，希望農曆年前可以清得晒，想好好完結呢一年嘅稿，下年開新同準備一下可能參展開檔嘅工商。

繪師年結會再開另一串，等畫完手頭上的圖

2）health （COVID)

• WFH/ shift after new year (2-3月)
年頭爆得勁，公司2月新年返去（派利是）後第2日開始咗wfh，3月頭（我返shift嘅星期）前一日仲趕緊個job時，第二日開波發高燒然後就陽咗有bb，應該由我哥傳我嘅但佢同我媽都冇中招，可能低毒量到驗唔出/打過2針復必中work掛），於是我得到咗十幾日病假又連帶賜福（。）咗7日假畀佢哋。好啦咁講係因為我係輕症，燒咗頭3日、咳多2日、期間便秘5日就冇事，體感比平時感冒仲輕微......［del］所以第5日我又開始畫圖煲片到凌晨4點先瞓嘅快樂鹹魚人生（垃圾.jpg  [/del]

公司同事輪流中完，4月公司就完咗個wfh制了我好傷心啊啊啊啊

中完有抗體到9月中先完，期間避免咗啪針。

• get Fat (McD lunch everytime)
前半年又wfh又病 lunch洗費好少，一返工就見附近啲茶記食店一係加晒價一係輪住執，當時唔知陽咗冇返半個月啲人工佢點計（考驗老細人性嘅時候就到了）因為正苦嗰陣未講武肺點定義，正常如果mean嘅公司跟最basic勞工法如果請照過4日以上病假係因比例出返幾分之幾糧，可以冇全糧出......咁總之嗰個月有出足糧嘅，但我病完月尾2星期未知，然後人工又低追唔到通漲就開波咗老麥致肥人生（面癱

詳情：@kurochou1147 - #工滋 #老麥人生 #你以為喪啪老麥係因為鏡其實係因為窮啊 #老麥炸雞大...
2023年頭準備好好減肥，戒返老麥人3幾年。我2021年以前真係5年都冇食到過10餐老麥......啊以前真係健康（

3）me time>study

• design course x3
因為強針，4月中完武肺後見過frd 2次面就全年都係me time了，拎晒啲時間來進修同社畜：3

我將啲消費券當晒扣上堂報班啲錢，然後計埋之後日文 if claim到CEF嚿錢，條數就好似唔洗錢白讀咁（）所以今年一鋪過讀晒積咗幾年想讀嘅嘢，Design類同Language 優先因為用腦同記嘢我驚再拖多幾年個腦越來越老又腦霧好難記到嘢...非常未雨綢繆.jpg

4-5月: UXUI/web design course - XD
6-12月: motion graphic, animate
6-7月: advanced UXUI - Figma, Sketch
8-9月: advanced UXUI - Wordpress, HTML

• language-Japanese N5 (1-2self,10-12月)
年初得閒自學背好晒平假名片假名、讀音、部份N5基礎單字等，但自學呢 首先要有固定空閒時間可以集中睇同記嘢......年中公司開始勁忙，平日收工時間不定/收完工都腦癱咁

見到年中疫情緩和咗，啲課程學校唔洗再zoom上/打針/快測等，search完報咗間見評價幾好嘅日文學校嘅密集課程班快讀N5（每次4粒鐘大約），N4應該會轉返普通班（每次2粒鐘大約）嘅，等周末冇咁困身可以去玩

學日文詳細：@kurochou1147 - #日文 #日文N5 #學海無崖 #記錄 由10月中開始學N5的每周圖片記...

2021已經學咗basic animation，今年follow up 一下，然後因為冇時間就停咗自學鋼琴練琴，等之後搵一年清閒啲再keep住練返一直彈。其實仲有好多嘢想學下 e.g.跳舞/瑜伽/吹玻璃/車衫/射箭，但呢啲冇咁urgent 可以遲啲先（


疫情3年學習短記錄：@kurochou1147 - #年結2022 #年結 #學海無崖 #學廢 #3年一個溝 #好似識咗好多...

4）手作？ 公仔/ob11

年初有打算整過、畫咗少少娃稿圖想造Luxiem 嘅娃自high自擼，但一度太忙剎停咗，之後覺得間房土地問題有啲嚴重（之前買太多marvel娃）謹慎地想用最少空間滿足擼娃嘅心

見有好多網店逐漸有Luxiem/唔同v嘅黏土人表情水貼臉、又見有vox, mysta出道官服嘅娃衣手作包、又又有搵到幾個覺得相似髮型嘅散件，覺得work就入咗gsc/ob11 娃坑。僅記上次20cm娃坑嘅教訓，今次冇high到買好多衫只揀咗啲最似佢哋嘅款/配色，打算1隻得2-3套衫走天崖......手作包打算過一排再買，想清下圖先整娃衣；3

目前拼咗3隻：@kurochou1147 - #記錄 #黏土人 前幾個月逐點網購了各種散件、髮型、衣服來個土炮拼人（ ...

5）敗家物類型

• 衫裙袋
雖然呢3年半窮不窮，但山洞人0 social其實又慳咗筆洗費，有時見啲日系裙同袋大特價都會間中買啲......（呢部份未得閒影又未開一串打出來，因為未好執房同衣櫃，農曆新年前會後補link在文末）3年積落來因為冇街去又冇點拆過，想等自由人時先著來打卡嘅我，發現變成一棟體積可觀的新衣柱體惹

加上公司年尾有的免費衣物任拎 (其中一個客送來嘅斷碼貨尾)，上年拎到超級多......今年又唔知是咪都有，我個衣櫃就同我一樣體重急增營養爆標。

真心覺得我之後5年除咗底褲都唔洗買新衫袋了，啲錢真係 可以用晒去只係食同旅行。

• animal / Luxiem goods
以前一直長留marvel坑，除咗20cm娃、入場睇戲、買少少本，基本我冇乜官週會入手，marvel其他figure 週邊我哥買得多過我，我又唔衝hot toys

入 niji 坑適逢佢由第4期男團開始係咁出goods，哇我終於有坑有goods買（。）理智消費冇期期限定都衝，得半週年同一週年買咗啲立牌、卡仔仲有啲指娃公仔咁。但已經好滿足了，我而家只想下年有多啲時間可我畀我補檔同係咁睇佢哋啲YouTube中由， 真好我第一次有食極唔完嘅糧，感受到精神幸福肥......開心到想係咁畫圖 ʕ⁠っ⁠•⁠ᴥ⁠•⁠ʔ⁠っ

而喺未有官品公仔買時，我買咗啲猩猩狐狸企鵝鯊魚仔黑豹乜乜乜來抱，動物可可愛愛又代表佢哋，每晚攬住都瞓得好好

6）Play & foodie

• 離島活動
2月入過長洲進行年度離島之旅
每次入都開咗好多新店咁，希望2023年頭又入到，今次我想瞓夠3日2夜過一個超級chill 嘅渡假當旅遊散心之旅 (⁠´⁠；⁠ω⁠；⁠｀⁠)

• 燈箱慶祝活動
4-6月分別喺MTR 有Luxiem/shoto唔同人生日、週年慶祝集資燈箱，除咗22年1月未入坑、4月miss luca燈箱先知有呢個活動，之後都有去打卡感受一下快樂

來緊1月希望影完mysta燈箱都有時間畫下賀圖，我連週年賀圖都未畫、片又大半年嘅量未補完，社畜人生真係可恨 ಥ⁠‿⁠ಥ

• 生日 tea
6,8月仲食到堂食時同s子各自食咗2次英式tea set 互相慶生，覺得下年自由人可以物色下啲靚酒店食返幾次著靚裙打個靚卡，之後佢加返晒價貴到飛起我就可以拜拜轉場去旅行了

• disney with mum
史上第一次同媽去迪士尼、史上佢最聽話嘅一日，行程順到不可思議、節目睇咗大半、無縫接軌到全日玩睇咗10幾樣嘢...... 帶佢見識完一半園區咋，唔知幾時會再同佢去第2次呢（

打咗喺fb（有緣人會睇到）：Facebook

7）期許
打到呢到已經1月1號我打到好眼瞓。
今年學咗好多嘢又好好好好很忙，下年我只想好好地做條鹹魚。

• 繼續學好日文，暫時唔學其他嘢了
• 年頭減肥，減返老麥嘅饋贈、幫肝同腎仔排毒
• 執相清手機（2020-2022所有相）
• 希望多花紅/加返多啲人工

• 旅行、chill、去玩
• 懶人廚房，研究一下懶人花式夾厚多士
• 想有啲時間發展下畫圖及副業、年尾試下開檔，太耐冇去過同人場 （/試整e-shop for fan arts?）
• 遇到啱嘅人拍下拖，為社畜人生加啲調味（。）