排咗幾日戲，本身everything OK，諗住16號拍完鮮浪潮咁剩低新年最得閒嘅呢兩個星期我就返FT，返到月尾搵到半份糧就quit（喂

結果因為一個無謂人嘅仆街行為，16號拍唔成，只能同一個星期另約日子再拍，但我已經應承咗返FT所以最後我拍唔成……

最慘係問心呢份工我又唔係真係好想做，對我自己而家嘅人生目標都冇咩幫助，志不在此，真係諗住叫搵份糊到口嘅工嚟support自己做戲就算，根本喺唔喺呢度做真係唔係太重要，想做嘅話就唔會打算做完個新年就quit啦（同埋之前打嚟話請我我都慘叫咗咁耐……

結果到最後我因為一個無謂嘅累隊友仆街同一份自己唔想做嘅FT工而冇咗一個拍鮮浪潮上大銀幕嘅機會，我真係好撚灰好撚頹

想當初導演搵我拍我真係乜7都冇問就應承咗，完全冇expect過有咩報酬就算只係得車馬同飯盒我都唔介意，因為呢啲機會真係用錢都買唔到。我雖然係窮，雖然我呢兩個星期返工有糧出，但你問我我寧願唔要錢唔返份FT工，都想拍冇肉食嘅鮮浪潮啊屌

之前知道份工嘅show期有機會同自己上drama堂嗰邊炒曬車嘅時候，嗰邊導師兼導演有比過advice我，叫我好好諗行一條唔會後悔嘅路，自己去平衡下到底我係會因為返FT嘅工作而冇咗學戲/排戲/演戲嘅機會可惜啲，定因為drama而失去其他工作機會可惜啲。其實我心底一直有答案只係我覺得仲有機會平衡，事情好似仲有得傾有彎轉而嘗試兩邊平衡兼顧

但事而至此，直到而家我真係確實因為呢份工嘅期而令我正式失去一個拍攝鮮浪潮嘅機會，其實咩嘢先係對自己最重要，答案已經呼之欲出，我諗都唔需要再左顧右盼心大心細十五十六

既然我只不過係想要一份收入去support自己做戲，其實做唔做HKREP根本就唔重要。雖然做HKREP都有佢嘅好處，可以識到呢行嘅人，尤其是食飯時仲可以接觸到演員，混得熟嘅話有機會傾下謁交流下都唔係冇可能。但如果時間係咁唔彈性，想工餘時間報咩堂增值自己都要稟報上司得到首肯先可以報，連我自己本身已經確定揸喺手嘅演出機會都要犧牲，先可以換取到呢啲唔一定有咩用嘅人脈，咁我覺得真係……算吧啦。

同因為返工而失去機會都唔係第一次，上次因為返OP Halloween而冇得去一個音樂劇嘅audition，雖然我去咗都未必中，但唔去就一定冇機會，同樣嘅事我真係唔想再有第三次……與其我每次都要因為返冇太大特別意義嘅工而失去演出機會，既然我都唔追求工作上嘅achievement純粹想賺錢做戲，點解我唔索性返啲彈性嘅工搵到食就算撚數

我還是快快寫完手上被我拖稿拖了大半個月的Kimchay文好了，都寫了98%還差一點+除蟲而已，趕快在18號前po完然後洗洗睡，開開心心等明天的新劇/新project發表算了
現在只有這些能慰藉我的心靈

想不到最後抓蟲除錯搞了這麼久才能發出去 唉算了總之這麼不愉快的文章被我拖稿拖了大半個月，現在總算能發出去不用再面對它了 我真的是拖著寫了多久就憂鬱了多久……

真的煩躁

仆街結果今朝仲要比車撞到隻腳，係唔係咁撚黑仔啊屌