原來如此

成套戲嘅邏輯問題多到一個點，睇完都唔知邊道開始講好

首先，點解男主角離開咗個森林就會解決到sky people侵略pandora嘅情況？
其次，其實套戲嘅主題如果改做sky people復仇記好似仲make sense。講就話sky people返pandora開發做第二個星球，但成套戲淨係見到反派喺道對男主角窮追猛打，即使男主角已經離開前線都唔放過佢，而且絲毫唔提開發進程係點，個主軸究竟想點？
第三，男主角真係多得佢d細路唔少，成套戲超唔生性，個個都唔聽話，仲不停周圍焫火頭，根本係勸人唔好生仔嘅勸世文。

第四，其中一個養女同伊娃（唔肯定譯名一唔一致，總之係神嘅名）點睇都係有啲聯繫，點知個著墨點去到話佢癲癇就完Q咗，明明佢喺套戲入面反應嘅能力都明顯有派上用場，咁就寫死咗個potential。
第五，spider個角色又係好奇怪，好似純粹係用嚟反映佢同反派主角之間莫名嘅親子關係，但係又睇唔出佢兩個嘅關係有幾close，個關係明顯唔嗲唔吊，到最後都係唔知想表達啲咩。

最後將返少少感想。其實睇呢套戲之前都冇特別睇網上嘅戲評，一嚟諗住我點都會睇，二嚟唔想俾人劇透。點知睇完之後淨係覺得浪費咗我三個鐘XDDD
雖然隱約記得第一集嘅劇情都為人詬病，但至少大部份劇情都make sense，同埋有第一套3D電影呢個噱頭加持，感覺對套戲嘅印象都唔錯（可能因為細個睇更加印象深刻）。
時隔咁多年，其實一入眼見到藍皮膚覺得好醜XDDD 不過就已經唔記得細個嘅時候點睇套係嘅造型lu
總之，如果之後佢再出第三集（就咁睇應該真係會），我一定唔會入戲院睇XD