台語文生存上根本的問題，是台灣人認為台語文無重要。不只是華腦人認為台語是低路的語言，連自稱獨派的人mā咧哭爸台羅偌䆀結果攏咧用華語漢字去烏白鬥台語，有夠pat-chhit。
閣有人講伊去菜市仔、利便商店用台語會通，所以台語無滅亡的危機。哭枵，咱人類存在的目的只有去菜市仔、利便商店買物件喔？

不時仔有人講台灣人應該攏愛會曉台語，tio̍h是希望台語佇台灣是一ê重要的語言， 然後tio̍h有人出來講別人的母語mā真重要，但是這種人平時攏用華語，其他本土語言攏無咧用。
講愛尊重別人的語言，結果別人的語言攏無欲學。按呢客人kap原住民學因家己的語言結果主要使用人口無到2%，是咧學心酸--ê喔？