最近看tio̍h Khoa Vu 寫關於 Monopoly kah Herfindahl-Hirschman Index 的笑詼，我才發覺我nái無想--tio̍h用產業集中度的指標來算臺灣語言的集中度，而且可能有一ê產業的競爭狀況 kap 臺灣語言的狀況差不多。
tsit-má先算集中度，這較簡單。照2020年人口普查，華語、台語、客語、族語、臺灣手語、其他語言的主要使用人口分別是66.617%、31.768%、1.517%、0.23%、0.036%、0.165%
Herfindahl-Hirschman Index: ∑(s*100)^2=5449.413，上大是10,000(獨占市場)。

毋知為siaⁿh我最近一直想--tio̍h進前鄭宜農事件的時陣，佇謝知橋hia kah幾ê糞埽冤家的代誌。
竟然有人自我介紹寫反藍營，卻認為台灣人的台語能力予中國國民黨閹割才是正常--ê，而且閣有人認為這款人是隊友？！

真正毋是我佮意罵人，台灣人寫台語文予人講做是一種無正常的代誌，你敢bē受氣？

我感覺台語gâu人講家己是台羅仔、台羅戰士，親像支持民進黨的人講家己是1450是仝款的道理。
但是我無法度理解這款道理。1450是對農委會的委託案來--ê，後來衍生做網軍的意思，ká-ná咱支持民進黨、反中國、反柯文哲只是因為有收tio̍h錢才按呢，毋是咱理性思考的結果。

台語羅馬字對清朝tio̍h有，而且閣ē-sái正確對應台語的發音，結果台羅hông當做是一種奇怪的物件，連台語漢字mā hông叫做是台羅。
阮chí-put-kò是想欲寫台語文，m̄-nā藍白仔叫阮台羅仔，連獨派的人mā按呢貼負面標籤。

藍白仔本來tio̍h心肝歹閣白痴無藥醫，所以因講台語無文字誠正常。
但是一寡支持台獨的人mā咧講台語無文字，按呢有夠奇怪。既然會支持台獨，應該是知影中國國民黨的惡行惡狀，應該知影「國語政策」對本土語言的迫害阿。
結果講啥羅馬字是咧消滅台語，kā因講清朝tio̍h有白話字閣講我是小粉紅咧。

有人講羅馬字親像中國話的拼音，有人講彼是越南文，有人講彼是予外國人用--ê，攏白痴甲有賰。
講家己台語偌好，結果一句台文都寫bē出來閣認為按呢才是正常--ê。而且閣學藍白仔烏白kā人貼「台羅仔」的標籤。

真正毋是啥mih台羅仔siuⁿ雄，是因講話siuⁿ中。

華語的主要使用人口有66%，結果有一部份（我毋知偌濟）的客人認為這毋是霸權，是利便溝通。閣掠準現此時有人希望台語做通用語，按呢占31%的台語會成做霸權。

客語只賰1.5%，結果因上蓋煩惱--ê，是台語竟然毋是指台灣所有的語言，「台語」竟然毋是叫福佬話、福建話、閩南話。
如果台語ài號做閩南語才妥當，按呢客家話ài號做廣東話才妥當，敢毋是？

頂個月三位行為科學家發現，Harvard的行為科學家Francesca Gino的研究利用可疑的資料來謗大因的結果。Academia is BROKEN! - Harvard Fake Data Scandal Expl...

台語文看不懂怎麼辦？
說你看不懂需要翻譯一下就好了，不需要多講一些有的沒的，甚至只打一個問號也可以。
絕大多數的人都願意跟你解釋，也了解過去沒有完整的台語教育，如果你只是看不懂就被罵，那就是罵你的人有問題。

但是如果你講了一些很沒禮貌的話還堅持自己是對的，那麼你被罵剛好而已啦。
有哪些東西很沒禮貌呢？
🚩台羅仔又在展現優越感
書寫文字應該是件很平常的事情，不要把書寫台語文說得那麼詭異，也不要給台語文取一些奇怪的名字。
🚩台羅不代表台語
台語羅馬字早在清朝就有了，教育部幾年前發明的羅馬字是參考清朝就有的東西。
🚩教育部都在亂發明別人看不懂的字
你有更好的東西就拿出來用啊，不要只會用華語文。

最近足濟人加入Threads，我想欲加看覓，加了發現首頁會看tio̍h曾博恩、蔡阿嘎，無偌久我tio̍h解除安裝矣。

有人會哭爸羅馬字是予毋捌台語的外國人用--ê，我會曉講台語的人哪有需要學羅馬字。然後這款人只會曉寫華語文。

連外國人都有法度學寫台語文，恁台灣人煞無法度。我活佇台灣二十外冬，序大人對阮囡仔人無欲講台語，我到2020年才開始學台語，chit-má我讀冊有法度寫台文筆記。
講家己一世人講台語，結果一句台文都bē曉寫，笑死人有影。

英語的fans，華語的講法是迷ㄇㄧˊ、粉絲ㄈㄣˇㄙ，台語是迷bê、迷眾bê-chiòng。面冊的fanpage，台語是迷眾頁。
所以華語講「柯粉」，台語應該講柯迷koa-bê，毋是柯粉koa-hún。