【神霄memes｜正爿腦圖像記憶法】
這个單元單純是講耍笑，阮猶是建議學語言愛照步來，對發音ê基礎佮正範ê文字來學，才有法度真正學會曉喔！
另外，poetry毋但有歌詩ê意思，mā會使解做詩意ê意思，逐家愛照頂下句來區分。

-

這個單元單純是開玩笑，我們還是建議學語言要按部就班，從發音的基礎及正確的文字來學，才能真正學得會喔！
另外，poetry不只有詩歌的意思，也可以解做詩意的意思，大家要照上下文來區分。

【台文漚笑詼｜啥物動物上驚寒】
啥物動物上驚寒？
.
.
.
.
.
. 鴨仔，因為伊攏佇遐喝講「kôaⁿkôaⁿkôaⁿkôaⁿ」

咱知影鴨仔ê叫聲是「kôaⁿ」，毋過你敢知影台語當中其他各種動物ê聲音？ 狗仔佇台語是ngáu ngáu吼 貓仔是用niau(漢字會使寫做niau) ê，貓仔是毋是因為niau~niau~ê叫聲才號做貓咪？ 雞是ko̍k ko̍k啼(咯咯啼)，自按呢嘛有kā雞叫做咯咯雞(ko̍k-ko̍k-ke)。 你閣知影啥物動物ê叫聲？佇留話遐kā逐家分享一下，mā順紲予編的學一下！

#台語笑話 #台語笑詼 #台語教學 #台語 #台文 #Tâigí #Tâibûn #神霄 #冷笑話 #鴨子 #動物叫聲 #動物 #meme

【台文漚笑詼｜避免誤解上好ê辦法】
避免誤解上好ê辦法是啥？
.
.
.
.
.
. 佇第四改ê時陣喝停

這个笑詼是建立佇「誤解」佮「五改」仝音ê基礎之上(攏讀做gōo-kái)。其實，這款ê笑詼mā捌佇電視節目《藍色水玲瓏》內底出現。彼集當中，一个警員kā頂司報告講某乜項代誌是「誤會」，頂司連鞭罵伊「啥物誤會？我閣六會--leh！」。逐家會使kā這種仝音ê笑詼學起來，後擺提來對付你ê朋友，順紲予伊mā笑一下。 你敢有法度想著其他ê仝音笑詼？趕緊留話佮逐家分享！

#台語笑話 #台語笑詼 #台語教學 #台語 #台文 #Tâigí #Tâibûn #神霄 #冷笑話

【神霄meme】
昨昏樓跤有人咧冤家
神明代理人半暝睏袂去
共心情唱做歌
(攏無欲去勸煞就著矣)

-

昨天樓下有人在吵架
神明代理人半夜睡不著
把心情唱成歌 (都沒有要去勸架就對了)



#meme #歌單 #冤家 #廟街 #慰實殿 #樂天宮

【神霄曆｜0518，白色恐怖的結束】
台灣ê白色恐怖是啥物時陣結束ê？其實白色恐怖並無隨著解嚴tō結束，因為佇彼時ê刑法內底，只要有想欲變更國憲、顛覆政府ê意圖並且預謀實行，tō會當判甲五冬。因為連非暴力ê方式，甚至只要表現出台獨抑是親共立場，tō有可能去坐枷，致使這是一條侵害自由ê違憲法條。
這條法律佇1992年5月18得著修改，這馬只有暴力佮強迫ê手段才算是叛亂罪，會使講是白色恐怖時期真正結束ê一工。

#神霄歷 #白色恐怖 #解嚴 #刑法第一百條修正案

【神霄曆｜0516，台灣文學之母鍾肇政】
鍾肇政先生是台灣現代文學真重要ê一位作家。伊ê頭一部長篇小說《魯冰花》佇1960年刊佇聯合報，1989年閣予人拍做電影。伊寫《魯冰花》ê時陣，台灣猶咧戒嚴，彼時ê文學家流行寫反共文學，伊煞寫鄉土文學，閣批評彼當時ê社會狀況(甚至因為按呢去予台灣警備總司令部關切)，是一件足無簡單ê代誌。
鍾先生在世ê時陣毋但有真濟作品，伊mā足拍拚咧推捒成立其他台灣作家紀念館，也骨力爭取客家族群ê權益。


#神霄曆 #鍾肇政 #魯冰花

【神霄曆｜0512，牡丹社事件】
1874年5月12，日本出兵拍台灣原住民部落，這是通人知ê「牡丹社事件」。毋過，你敢知影牡丹社事件是按怎發生ê？
牡丹社事件會當講是言語袂通造成ê悲劇。1871年十月，一陣琉球人拄著風颱，船歹去只好佇台灣求生。In行到一个Paiwan部落，族人原底kā in收留，閣予in通食，毋過，in毋敢信任原住民，隔轉工，族人欲去拍獵，交代in踮厝毋通走，in煞偷偷仔溜旋。予族人感覺in無受著尊重，而且開始驚講in敢是海賊派來ê間諜，tō只好去kā in逐，並且因為語言袂通，尾仔煞kā in處決。
日本政府出兵其實是有政治ê考量。佇清朝佮日本簽ê北京專約內底，有講著日本出兵是「保民義舉」，日本政府自按呢tō認定琉球是日本領土。

【信仰小學堂｜各種桮相的意義】
你敢知影跋桮ê時陣，逐種結果攏有無仝ê意義?
一陰、一陽號做「象桮」，代表神明同意抑是「是」、「著」ê意思。
兩塊桮攏是平ê彼面向天頂，按呢就是「笑桮」，代表笑笑、聽無你想欲問ê問題，抑是愛你想予清楚ê意思。
兩塊桮攏是平ê彼面佇塗跤，tō號做「崁桮」，mā號做「蓋桮」、「無桮」。表示「毋通」佮「袂用得」。

【神霄日常｜痟狂科學家】
「Ueh！莫走！予我剁一支手哪有要緊--lah！」
「欲剁你是袂曉剁家己喔！？」
成做一位生物研究專家，森川尚宏佇拄仔開始任職代理人ê時陣，對各種神靈ê構造當然mā是真好玄。毋過mā袂當按呢tō凊彩欲kā人解剖......
森川：「我真正足好玄是按怎代理人明明無肉體閣會當四界行動--neh，敢真正袂當予我做一寡試驗？」

【慰實殿｜樂天宮｜Coming soon】
有三百多年歷史的新莊老街，乘載著台灣發展歷史的重量。

新莊香火相當旺的信仰重鎮『地藏庵』，新莊人則稱其為『大眾廟』，創建於清朝，新莊地藏庵文武大眾爺繞境活動已久，它不但是新莊年度宗教盛事，更是所有新莊人重要的共同回憶，除了地藏庵，沿途還可參拜廣福宮、福德祠、文昌祠、慈祐宮、潮江寺等宮廟，除了熱鬧的觀光夜市，故事總在廟宇、百年老店林立的巷弄之中悄然發生。



#神明代理人Vtuber
#tâigí