我地似唔似呀？

趁仲記得，寫返個生產記錄先～湊Ｂ真係好忙，逐Ｄ逐Ｄ寫，寫到依家…^^b
以下係超超超長文啊～https://paste.plurk.com/...

今日原本係預產期，但萌小Ｂ 30/3就出世了～由04:30 feel到唔舒服（已是陣痛）到出世14:25,短短10小時，初產來說算快了～生Ｂ真的很痛！小Ｂ出院回家不到24小時又入院住了5天…期間我日日去醫院，即使小Ｂ出院後，我仍是要不時去健康院丶醫院覆診…我不覺得自己有坐過月…

尋晚沖涼，小Ｂ起勢咁踢，踢到突左腳仔出黎，然後有一下，仿佛聽"卡喇"一聲…佢踢到我肋骨？不過我冇痛～
今日小Ｂ37週了～足月啦，隨時出世都冇問題～一到00:00踏入37週，即流鼻血…=_=
前日睇完私家產檢，醫生話小Ｂ雖然肚細左一週，但冇問題、正常～小Ｂ腳係大２週，長腿，所以成日撐出黎？XD醫生話未落盤，可能２w後先落。最好啦，小Ｂ要足40週先好出黎，依家未夠鐘呀～

小B今日36w,仲有28日就到預產期~時間過得好快!上次醫生話你細左,媽媽食左好多野,你要好好生長,留到40w先出世就好~上次醫生部機壞左只係睇到2D,但見到你D頭髮漂漂下,好得意~唔知你有冇生得似媽媽多D呢?希望下星期三醫生部機好番,可以睇清楚你個樣。要乖乖俾我地睇下你~

拖下拖的,又很趕地畫賀圖...豬年,畫的是小女孩和豬仔錢罌~小女孩頭上的飾物是我親手弄的手工,不是畫的~XD
在此祝大家新年快樂、心想事成、大吉大利~^^
原圖:CG136

萌小B 27w啦,仲有3個月就出世,好快呀!日子越近越淆底...好多野未準備好、又怕生仔果種痛自己會捱唔到,好驚...上次排胎盆都痛到心臟就快停咁...
尋晚小B終於同我玩啦!好感動!之前佢郁,我想摸佢就唔郁,尋晚見佢係咁郁,我同佢玩下,佢踢完個位我就掃下果個位,掃完佢又踢~玩左好幾次~老公都見到、玩埋~好得意、好好玩~小B要再同媽媽玩呀~

今日平安夜,一大早去醫院做妊娠糖尿測試,第一次抽血,抽右手臂,好易抽。之後飲糖水,今次杯糖水又唔太難飲,好快飲完~等2個鐘後第二次抽血...第二次抽血,拮左3次先抽到...佢唔抽右手改抽左手臂,但拮錯位抽唔到,之後話左手背D血管現D易抽到,但D血流到一半停左...最後右手臂先抽到,一早抽右手臂咪好lor,好痛...今日左右手臂+左手背,一共4個洞...
抽完去產檢,唔計驗尿、度高磅重、量血壓、心跳,入房只係2分鐘都唔知有冇就完成...入房>聽心跳>完,政府真係好hea...
希望妊娠糖尿測試合格la!
星期五去私家產檢,到時有B睇又詳細D~小B要乖,俾醫生照到個樣~

畫的是看板娘蓓蓓和看板精靈玄玄~時間不多,只好簡簡單單地完成...^^b今年圖量依然很少...這年心理、生理上轉變好大,畫畫的心情沒多少...明年會有更大轉變,會更忙碌,希望是忙得開心、幸福~圖量希望維持到重要的節日賀圖。^^b
在此祝大家Merry X'mas & Happy New Year!^^
原圖:CG135

今日小B 24週,6個月了~今日都係同老公相識12週年~